Ofata (Nyame Aguama) with lyrics by Kusi Berko

Mɛbɔ wodin mabɔ wo mmerane; mmerane sɛ wo,
Daddy, mɛbɔ wodin mabɔ wo mmerane; mmerane sɛ wo
San bɛgye w’ayeyi nnwom; menhunu nea menka
Onyame nwanwani, wonsa ano nnwuma yɛ nwanwa
Wona wode yɛn bɔne nyinara akyɛ yɛn
Na wode wo mogya ahohoro yɛn ho
Israelhene, Israel kronkronni
Abraham Nyankopɔn, Isaac Nyame
Jacob Nyame, Israel Nyame
Wosɛ na wofata sɛ yɛyi wodin ayɛ
Onyame adwamma a ɔkum wo
Odwamma wosɛ na wofata
Onyame adwama a wɔkum wo

Wofata, wofata, odwamma a wɔkum wo (4x)

Yohane etire baako, nkyekyɛm aduonu nkron
Bible kyerɛ yɛn sɛ, adeɛkyee anopa hemaa no
Yohane hunuu Yesu sɛ ɔreba,
Ɔde ɛne kɛseɛ tea mu kaa sɛ, monhyɛ

Onyame adwamma no a wayi wiase bɔne krɔ no nie (2x)
Onyame adwamma (3x)
Onyame adwamma no a wɔkum wo
Wofata, wofata, odwamma a wɔkum wo (2x)

Ɛdɔn ne merɛ a ɔno Nyankopɔn ankasa
Ahyɛ ato hɔ no ɛduruu yɛ no,
Wɔkyee Messiah no a wasra no kɔɔ kuro no agya
Jersusalem kro kronkron agya
Wanku no kro num, ɛfisɛ na ɛwɔ sɛ
Wɔpiapia no de ne kɛ kuro no agya
Amanaman kwan so, na wɔkɔ ku no
Onyane adwamma a neho nni asɛm
Na neho nni dɛm yi
Wɛkum Messiah, sɛdeɛ ɔdiyifoɔ Daniel kae no

Yohane adiyisɛm, ɛtire ɛnan ɛne etire ɛnum
Awurade asɛm kyerɛ yɛn sɛ
Yohane na ɔwɔ hɔ; asaase a yɛfrɛ no Patmo so no
Awurade asɛm ntira, ɛne Krito Yesu amanehunu nti
Wɔse, ɔsoro bue maa no
Na wɔhunuu ahennwa kɛseɛ bi wɔ ɛsoro hɔ nom a

Obi te ahennwa ne so (2x)
Na sɛ wohwɛ no a, ɛnhwɛ
Ɔwɔ animuoyam (3x)
Ɔtesɛ bogyanamboɔ, ɔtesɛ kɔɔbreboɔ, ɔtesɛ apopobibireboɔ
Adenyinaa so tumfoɔ Onyankopɔn no no
Ɔno na ɔkura nwoma ketewabi wɔ ne nsam
Obira nni wo kwan sɛ ɔbɛkɔ n’anim
Na w’akɔgye nwoma no afiri ne nsam
Na wabuebue mu nsɔano nson no ano (2x)

Ntɛm ara ɔbɔfoɔ baako a ɔso
Ɔde nne kɛseɛ teaa mu kaa sɛ
Hwan, hwan koraa na ofata?
Sɛ ɔbɛkɔ deɛ ɔte akwonnwa no soɔ n’anim
Na wakɔgye nwoma no afri ne nsam
Na wabuebue mu nsɔano nson no ano (2x)

Yohane se, manhu obira
Mesuu bebree paa, ɛfisɛ, manhu obiara sɛ ɔbɛku dea
Ɔte akondwa no soɔ no anim akɔgye nwoma no afiri ne nsam
Na wabuebue mu nsɔano nson no ano

Ntɛm ara mpanimfoɔ aduonu nan no mu baako
Ɔsɔree gyinae kaa sɛ:
Yohane mensu (2x)
Odwamma Yesu a wɔkum no no (2x)
Yuda abusuakuo no mu Gyata no
David ase ni no adi nkonim wate
Na ofata sɛ ɔkɔ dea ɔte akonnwa no soɔ anim
Na ɔkɔgye nwoma no firi ne nsam
Na wabuebue mu nsɔano nson no ano (2x)

Ntɛm ara, mehuu  odwamma bi
Anuanom ɔtesɛ nea wɔkum no no
Na ɔkɔ gyinaa deɛ ɔte akondwa no soɔ no anim
Na ɔkaa sɛ, papa, fa nwoma no mame
Ɛfisɛ, wo na wo somaa me sɛ

Menkɔgye adasaman
Na me kɔe, Na sɛ wanyane me afiri awufu mu a,
Mefata sɛ megya nwoma no firi wonsam
Ntɛm ara odanee nwoma no hyɛɛ ne nsam
Ɛhɔ ara na ɛsoro dɔn nyinaa, mpanimfoɔ aduonu nan,
Ateasefoɔ abaanan, abofoɔdɔm nyinaa
Ohyɛɛ aseɛ maa wɔn sankuo so
Na ɔhyɛɛ aseɛ too ayeyi nwom sɛ:
Odwamma a ɔkum wo, wo fata
Wofata sɛ wogye ayeyie
Ɛfisɛ, wɔaku wo, na wode wo mogya
Agye amanaman, musua hodoɔ ne kasahodoɔ nyinaa
Na woayɛ wɔn ahemman ama yɛn Nyankopɔn
Na ɔne wo bedi ahennie daa daa

Nyame adwamaa (3x)
Nyame adwamma a ɔkum wo
Wofata, wofata, odwamma a wɔkum wo (4x)

Credit:antwi-boasiako.blogspot.de (lyrics)/ youtube.com(video)

Mɛbɔ wodin mabɔ wo mmerane; mmerane sɛ wo, Daddy, mɛbɔ wodin mabɔ wo mmerane; mmerane sɛ wo San bɛgye w’ayeyi nnwom; menhunu nea menka Onyame nwanwani, wonsa ano nnwuma yɛ nwanwa Wona wode yɛn bɔne nyinara akyɛ yɛn Na wode wo mogya ahohoro yɛn ho Israelhene, Israel kronkronni Abraham Nyankopɔn, Isaac Nyame Jacob Nyame, Israel Nyame Wosɛ na wofata sɛ yɛyi wodin ayɛ Onyame adwamma a ɔkum wo Odwamma wosɛ na wofata Onyame adwama a wɔkum wo Wofata, wofata, odwamma a wɔkum wo (4x) Yohane etire baako, nkyekyɛm aduonu nkron Bible kyerɛ yɛn sɛ, adeɛkyee anopa hemaa no Yohane hunuu…

Review Overview

Leave a Reply